Dimenjada trad (en familha) – concert e balètis

07/01/2017 20:00 - 08/01/2017 23:00

 7 e 8 de genièr – Dimenjada trad (en familha)

l’Estancabra, en partenariat amb Balambules, es urosa de vos prepausar un eveniment sus dos jorns a l’entorn de las cançons occitanas e de las musicas tradicionalas de (bon) dançar. Podretz quitament ne far profiechar vòstres dròlles puèi que vos cofinèrem un programa adaptat a tota la familha.

Dissabte 7 de genièr – 21h00 a l’Estancabra (42, carrièra dels Blanquièrs)

Concèrt de musica tradicionala occitana – Compagnie La Ciboule

la-ciboule

Daissatz-vos portar pel duò de votz de Marion Boulé e Sebastian Eschalier acompanhat per de pianò, de guitarra, de mandòla e Colin Heller al violon e a la nyckelharpa per un viatge musical per Provença e los cantons d’Occitània.

Dimenge 8 de genièr –  a comptar de 16h00 al Tangueando (51, carrièra Bayard)

  • 16h00 – Lo bal dels Cibolons e vespralh – Compagnie La Ciboule

ciboulonsComençam al vèspre amb un moment de dança pels pichons : lo Bal dels Cibolons, la version pels dròlles de la CIbola, amb de tròces a dançar de la tradicion enfantina, per tota la familha !

Marion e Sebastian son musicians intervenents a l’escòla, e lor agrada l’idèia de partatjar amb totas las musicas e danças trad, en s’adaptant aquí a las capacitats dels dròlles : las danças mènan los dròlles a sautar, virar, ritmar, brusir…las explicacions dels jòcs e danças son lèu fachs per afavorir lo costat ludic de la dança !

Participacion liura e pescajons a molon !

http://www.ciboulettecie.fr/le-bal-des-ciboulons/musique

 

  • 19h30 – Bal trad – Compagnie La Ciboule

cibouleLos bèls perseguisson lo bal amb de cançons a dançar, las compausicions de la Cibola, de trad adobat a la salça de ceboleta, de musicas a e danças tradicionalas de Vivarés, de Suècia, de cants bretons o occitans…

http://www.ciboulettecie.fr/la-ciboule/la-ciboule_1

 

Daissar un comentari

Vòstra adreça de messatjariá serà pas publicada. Los camps obligatòris son indicats amb *