Date / Heure
Date(s) - 22/04/2017
21 h 00 min - 23 h 30 min

Catégories

• Concèrt

Una borrèia de Marcel Moulhieyrat, un cant d’Armand Quercy, una sautièra de la Boriana. Vaqui l’atlas sonor que nous prepausa Mickaël Vidal. Aquel joine musician carcinol s’impregna dels aires tradicionals per tal d’ofrir a l’espectator un concert cadenciat e esmovent.

Format a las musicas tradicionalas per Guilhem Boucher, Xavier Vidal e plan mai, Mickaël vol far tornar descobrir lo joc de la clarineta populara, ancianament plan presenta dins la cultura occitana e a l’endefora. La camba de feda o pibolha èra tal coma lo violon, un instrument del quotidian e de las escasenças. Aital, aquel espectacle s’inscriu dins un esperit de fèsta amb notadament de danças coma la borrèia, la sautièra o la polka.

A mai d’aquo, la clarineta e la votz se mesclan dins un joc de question-responsa dins una toca de libertat de la musica que desemboca mai d’un cop sus la creacion e l’invencion. La tradicion torna viva amb lo biais de la joinessa.